Zvicra udhëzon qytetarët e saj të shmangin Japoninë

Ministria e Jashtme u rekomandon qytarëve zviceranë që të heqin dorë nga udhëtimet në pjesën verilindore të Japonisë

Ministria e Jashtme e Zvicrës u rekomandon qytarëve zviceranë që të heqin dorë nga udhëtimet eventuale në pjesën verilindore të Japonisë si dhe në provincat Nagano dhe Niigata.

Po ashtu, ajo sugjeron që udhëtimet turistike dhe të tjera, të natyrës jo urgjente, të evitohen edhe kur është fjala për pjesët tjera të Japonisë.

Qytetarët zviceranë të cilët aktualisht gjenden në Japoni, do të duhej të shqyrtonin nëse qëndrimi i tyre në këtë vend të ngarkuar nga kriza është vërtetë i nevojshëm.

Në rastet kur kjo nevojë nuk ekziston, do të ishte e arsyeshme të mendohet për braktisje të vendit. Krahas kësaj, ministria e jashtme u sugjeron qytetarëve zviceranë që gjenden në Japoni, që të ndjekin udhëzimet e autoriteteve japoneze në të mirë të sigurisë së tyre.