Zvicra rrit eksportet ushtarake

Më së shumti armatime dhe pajisje ushtarake nga Zvicra kanë blerë Emiratet e Bashkuara Arabe, të cilat marrin një të tretën

Zvicra ka shtuar tregtinë me armë në vitin 2010 për 10 për qind krahasuar me një vit më parë. Kështu, gjatë vitit të kaluar eksportet me armët zvicerane kanë sjellë 327 milionë franga, ka njoftuar Administrata federale e doganave.

Më së shumti armatime dhe pajisje ushtarake nga Zvicra kanë blerë Emiratet e Bashkuara Arabe, të cilat marrin një të tretën e gjithë eksporteve zvicerane të armatimit. Ky shtet vetëm një vit më parë kishte një pjesë të parëndësishme në eksportin në fjalë.

Pas Emirateve, në vendin e dytë vijnë Gjermania dhe Belgjika.

Ndërkaq ditë më parë mediet kanë raportuar për materialin luftarak të Zvicrës që ishte parë në duart e rebelëve libianë, në luftimet kundër diktatorit Gadafi. Armatimi zviceran në Libi kishte shkruar përmes Katarit, i cili ua kishte dorëzuar atë luftëtarëve në fjalë.