Zvicra mundi kampionin e botës Brazilin

Kombëtarja zvicerane në stadiumin St.Jakob të Baselit ka mposhtur kampionin e pesfishtë të botës në futboll Brazilin me rezultat 1:0

Zvicra ka mposhtur në një ndeshje miqësore Brazilin me rezultat 1-0, në stadiumin St.Jakob të Baselit. Golin e fitores për Zvicrën e ka shënuar braziliani Dani Alves në minutën e  48-të me një autogol  të mrekullueshëm.  Pesëshja shqiptare: Xherdan Shaqiri, Valon Berhami, Granit Xhaka, Blerim Xhemaili dhe Admir Mehmedi, të cilët me  performancën e tyre kanë treguar edhe këtë herë se  janë pjesë e rëndësishme e kombëtares zvicerane.

Xherdan Shaqiri ka mbajtur premtimin. Ai kishte deklaruar se kombëtarja e Zvicrës do të bëjë maksimumin që ta mposht Brazilin.

 Shaqiri ka  luajtur kundër shokëve të skuadrës, Dante e Gustavo.