Zvicra fton pesë shqiptarë, por jo Hadërgjonajn

Përfaqësuesja e Zvicrës ka shpallur listën zyrtare me 23 futbollistë për ndeshjen kundër Ishujve Faroe, që do të zhvillohet të premten në kuadër të kualifikimeve për Botëror, shkruan albinfo.ch.

Në këtë listë janë përfshirë si zakonisht pesë futbollistët shqiptarë, Xherdan Shaqiri, Granit Xhaka, Valon Behrami, Admir Mehmedi dhe Blerim Xhemaili, kurse mungon Florent Hadërgjonaj, i cili luajti ndaj Bjellorusisë në miqësore.

Edhe Albian Ajeti mungon në këtë listë. Hadërgjonaj dhe Ajeti ende nuk kanë vendosur zyrtarisht se për cilën kombëtare do të luajnë.

Zvicra është lidere në grupin e saj me 15 pikë, tri më shumë se kampionia e Evropës, Portugalia.