Zvicra duhet të ndjekë shembullin e skuadrës së futbollit

Micheline Calmy-Rey: “Një ekip që frigohet nuk shkon deri në finale. Një komb që frikohet nuk korrë suksese”

Në fjalimin e saj radioteleviziv të Festës kombëtare zvicerane të 1 gushtit, këshilltarja federale, Micheline Calmy-Rey, ka përmendur të rinjtë e skuadrës së futbollit të Zvicrës si shembull i një vendi të hapur, optimist dhe tolerant Ajo e ka lavdëruar guximin e skuadrës së të rinjve zviceranë të futbollit:

“Një ekip që frikohet nuk shkon deri në finale. Një komb që frikohet nuk korrë suksese”, ka deklaruar ministrja e Punëve të Jashtme, njëherësh Presidente e Konfederatës.

”Nëse të rinjtë e futbollit kanë emra që nuk janë gjithmonë tipik me të këtushmit ata konstituojnë një Zvicër të hapur, e cila ia arrin, sepse është tolerante dhe ka një frymë ekipi. Me këtë Zvicër mund të jemi krenarë”, ka thënë Micheline Calmy-Rey gjatë fjalimit të saj të mbajtur në fondacionin Beyeler në Riehen (BS).

Për kujtesë, në skuadrat futbollistike nacionale zvicerane luajnë shumë të rinj zviceranë me origjinë shqiptare.

Duke mbrojtur aksionin e Këshillit Federal përballë sfidave që i shtrohen Zvicrës dhe më gjerë, Micheline Calmy-Rey ka thënë po ashtu se e kupton frikën si dhe reagimet e zviceranëve: “Fukushima, ngrohja klimatike, dhuna, mizerja dhe uritja në botë, imigrimi si dhe kriza e euros destabilizojnë shumë nga ne”.