Jeta në Austri

Si po mbështeten pronarët e bizneseve gjatë pandemisë në Austri

Ekonomia austriake dhe në veçanti gastronomia është goditur rëndë nga pandemia.

Ja se si qeveria po planifikon të mbështesë pronarët e bizneseve në vështirësi.

Nga ora 14:00 pasdites së premte, me 6 nëntor, pronarët e bizneseve në sektorët e gastronomisë do të jenë në gjendje të kenë mundësi financimi nga qeveria austriake. Paratë do të vihen në dispozicion të bizneseve të prekura nga mbyllja, shkruan albinfo.at

Sipas planit, ndërmarrjeve do t’u rimbursohen 80 përqind të shitjeve të tyre. Shuma që ata do të paguhen do të përcaktohet duke iu referuar shitjeve të bëra në nëntor të vitit 2019.

Ministri i Financave, Gernot Blümel tha se qeveria do të bën llogaritjen bazuar në shumën përkatëse të paraqitur në dokumentet e taksave nga viti i kaluar.

‘Jashtëzakonisht e favorshme’

Media austriake e ka quajtur planin “jashtëzakonisht të favorshëm” për pronarët e bizneseve sepse shumë shpenzime të tjera që lidhen me pagat e personelit gjithashtu do të paguhen nga qeveria sipas skemës së kompensimit AMS.

Kostoja e skemës pritet të jetë ndërmjet 1.5 dhe dy miliardë euro në nëntor. E rëndësishme është që paratë janë në dispozicion jo vetëm për bizneset që janë detyruar të mbyllen si rezultat i masave. Bizneset e tjera, si restorantet të cilat tani veprojnë vetëm për ‘marrje me vete’ – gjithashtu mund të kenë qasje në financim.

Shoqata Austriake e Hoteleve e mirëpriti financimin, duke thënë se vendimi “i duhur dhe i rëndësishëm” do të “shpëtojë” shumë biznese. Aktualisht, skema është në fuqi vetëm deri në fund të nëntorit, përcjell tutje albinfo.at


LAJME INTERESANTE NGA INTERNETI