Lajme
Shkrirja e shpejtë e dëborës në Alpet zvicerane: Turizmi dimëror përballet me sfida

Mungesa e dëborës në Zvicër këtë dimër ka qenë e theksuar, sipas një raporti nga MétéoSuisse në bashkëpunim me Institutin Federal Zviceran për Kërkime mbi Pyjet, Dëborën dhe Peizazhin (WSL). Edhe pse disa reshje të dendura u shënuan në ditët e fundit, ato nuk e ndryshojnë situatën – veçanërisht në lartësitë nën 1,500 metra, ku dëbora është bërë një dukuri gjithnjë e më e rrallë, transmeton albinfo.ch.
Dëbora në rënie në të gjitha lartësitë
Muajt shkurt dhe mars ishin veçanërisht të thatë. Në vendpushimin Château-d’Œx në kantonin e Vaudit, në një lartësi prej 970 metrash, nuk është shënuar dëborë e vazhdueshme që nga fillimi i shkurtit – rreth një muaj e gjysmë më herët se mesatarja e 30 viteve të fundit.
Në zonat me lartësi mesatare (1,500–2,200 m), niveli i dëborës është përgjysmuar krahasuar me normat sezonale. Në Montana (VS), në mes të marsit nuk kishte asnjë centimetër dëborë, kur zakonisht shënohen rreth 40 cm. Edhe në lartësi më të mëdha (2,200–3,000 m), mungon rreth një e treta e sasisë së zakonshme.
Shkaktarët kryesorë: temperatura dhe mungesa e reshjeve
Profesorja e klimatologjisë Martine Rebetez nga Universiteti i Neuchâtel thekson dy faktorë kryesorë për këtë fenomen: ngrohja globale dhe sasia e pakët e reshjeve. Ajo shpjegon se jo vetëm që dëbora vonon të bjerë në fillim të dimrit për shkak të temperaturave më të larta, por ajo gjithashtu shkrihet më shpejt në pranverë. “Shkurtimi i sezonit të dëborës po ndodh me një ritëm prej rreth dhjetë ditësh për çdo dhjetë vjet,” thekson Rebetez.
Ndikimi në turizëm dhe mjedis
Ky ndryshim klimatik paraqet sfida të mëdha për turizmin dimëror në Zvicër, sidomos për vendpushimet në lartësi të ulëta dhe të mesme. Me më pak dëborë dhe stinë më të shkurtër, sektori duhet të përshtatet dhe të kërkojë alternativa për të ruajtur qëndrueshmërinë ekonomike dhe mjedisore.
E-Diaspora
-
Dërgoni fëmijët në shkollat shqipe në Zvicër, regjistrimet fillojnë nga nesër, më 15 gusht Ambasada e Republikës së Shqipërisë në Bernë fton të gjithë prindërit shqiptarë që jetojnë në Zvicër...
-
Konsullata e Kosovës në Dyseldorf hap thirrjen për praktika ndërkombëtare
-
Gjenevë
Donis Sadushaj: Juristi shqiptar në zemër të diplomacisë zvicerane
-
Afro 3 orë pritje në dalje të pikës Merdarë
-
Vjedhje me thyerje në Rüti ZH: Arrestohet një kosovar
Jeta në Austri
-
Studimi: 49.7% e fëmijëve austriakë ndihen nën presion për përsosmëri Sondazh: Pothuajse gjysma e studentëve austriakë ndihen nën presion për të qenë perfektë, me shkollën, prindërit...
-
Austria nga alarmin për rrezik nga zjarret në pyje në disa rajone
-
Regjistrimet e makinave në Austri u rritën me 31.6% në muajin korrik
-
Austri: Nuk do të ketë kompensim për dëmet në tunelin Schmitten
-
Austri: Restorantet limitojnë kohën e qëndrimit të klientëve