Suksesi i Kosovës në kualifikime e ngrit në renditjen e FIFA-s

Përfaqësuesja e Kosovës është ngjitur për shtatë pozita falë sukseseve të arritura në kualifikimet për Kupën e Botës 2026, përcjell albinfo.ch.

Më 10 dhe 13 tetor, Kosova barazoi pa gola në stadiumin “Fadil Vokrri” në Prishtinë me Slloveninë, ndërsa fitoi 1:0 në Goteborg ndaj Suedisë.

Katër pikët e fituara të Kosovës kanë bërë që Kosova të ngjitet nga pozita e 91-të sa ishte në renditjen e fundit të publikuar nga FIFA, në 84 me renditjen e re të publikuar të premten. Është edhe renditja më e mirë e Kosovës deri tani.