Rritja më e lartë e çmimeve në Zvicër në 14 vjetët e fundit

Keystone

Çmimet në Zvicër janë rritur në muajin maj në nivelet më të larta të 14 viteve të fundit, sipas të dhënave të qeverisë, duke e bërë Zvicrën vendin e fundit që vuan pasojat e rritjes së çmimeve të karburantit dhe produkteve ushqimore si në pjesën tjetër të botës.

Treguesi i çmimeve për konsumin në muajin maj është rritur me 2.9% në bazë vjetore pasi transportet, produktet ushqimore dhe pijet janë bërë shumë më të kushtueshme në një vend që njihet për një inflacion historikisht të ulët.

Bëhet fjalë për rritjen më të lartë të çmimeve zvicerane që nga shtatori 2008, dhe për rritjen e katërt mujore radhazi përtej objektivit të qëndrueshmërisë së çmimeve të vendosur nga banka qendrore, shkruan Scan, transmeton albinfo.ch.

Banka kombëtare zvicerane ka si objektiv një normë vjetore inflacioni nga 0 deri në 2%, por që nga muaji shkurt çmimet kanë qenë jashtë kësaj norme duke vënë nën presion institutin qendror, i cili nisi të rrisë taksat e interesit.