Rreth 300 emigrantë të shpëtuar në brigjet e Mesdheut

Foto ilustrim

Anija humanitare ‘’Open Arms’’ shpëtoi rreth 300 emigrantë në brigjet e Libisë, njoftoi sot drejtuesi i një OJQ-je spanjolle.

“Vetëm 24 orë pas mbërritjes tonë në Mesdhe ‘’Open Arms’’ shpëtoi në det të hapur dy anije që rrezikonin të fundoseshin me mbi 200 persona, burra, gra shtatzëna, fëmijë dhe foshnja’’,  deklaroi në një postim në ‘’Twitter’’ Oscar Camps i OJQ-së ‘’Proactiva Open Arms’’, shkruan ATSH, përcjell Albinfo.ch.

Ai njoftoi më vonë shpëtimin e një gomoneje të tretë me 29 gra në bord, pesë fëmijë dhe 56 burra.