Greva të reja në transportin publik në Gjermani

Sindikata ver.di paralajmëron ndërprerje të shërbimeve më 19 mars në disa lande, ndërsa greva do të ketë edhe më 17 mars në Nordrhein-Westfalen

Sindikata gjermane ver.di ka bërë sërish thirrje për greva paralajmëruese në transportin publik në Gjermani, të cilat pritet të zhvillohen të enjten, më 19 mars.

Sipas njoftimeve, greva do të prekë disa lande, përfshirë Bavaria, Saarland, Brandenburg, North Rhine-Westphalia dhe Hamburg. Ndërkohë, në Hesse dhe Bremen vendimi për pjesëmarrje në grevë pritet të merret gjatë ditëve në vijim.

Po ashtu, në shumë qytete të landit North Rhine-Westphalia janë paralajmëruar greva në transportin publik edhe për ditën e martë, më 17 mars, duke shkaktuar ndërprerje dhe vonesa në shërbimet e autobusëve dhe tramvajëve, përcjell albinfo.ch. 

Me këto veprime sindikale, ver.di synon të ushtrojë presion për përmirësimin e kushteve të punës dhe pagave për punonjësit e transportit publik. Negociatat e zhvilluara deri më tani mes sindikatës dhe punëdhënësve kanë përfunduar pa rezultate konkrete. /Albinfo.ch

---