Reagon Xhemaili: Është e pakuptimtë të bëj kontratë 10-vjeçare

Futbollisti i Galatasarayt, Blerim Xhemaili, përmes Twitter-it ka reaguar në lidhje me ofrimin e kontratës nga Young Boys

Gazeta zvicerane “Blick” ditë më parë shkroi se mesfushorit shqiptar që luan për Zvicrën, ekipi Young Boys, i ka ofruar kontratë 10-vjeçare, pesë vjet si futbollist dhe pesë të tjera si drejtor i klubit. Madje u tha se presidenti i klubit të Young Boys me avionin e tij privat është nisur për në Turqi për ta takuar Blerimin.

Por ky lajm për Blerim Xhemailin është thjesht një thashetheme, njofton albinfo.ch.

“Rreth thashethemeve të Blickut: Nuk është e vërtetë që Young Boys më ka ofruar kontratë 10-vjeçare. Do të ishte e pakuptimtë si për mua, ashtu edhe për Young Boys për të arritur marrëveshje kaq të gjatë. Unë nuk kam vendosur ende se cila do të jetë e ardhmja ime. Kur kjo të ndodhë, të gjithë do ta mësojnë! Blerimi Xhemaili”, ka shkruar ai në reagimin e tij, përcjell albinfo.ch.