Lajme

Rashica me Werderin kualifikohen në çerekfinale

Werder Bremen është kualifikuar në çerekfinale të Kupës së Gjermanisë, me ndihmën e Milot Rashicës. Werder mposhti Borussia Dortmundin me rezultat 3:2, për të siguruar çerekfinalen.

E martë, 4 Shkurt 2020 - 23:05 albinfo.ch

Keystone

Edhe në këtë ndeshje gjurmë të mëdha la reprezentuesi i Kosovës, Milot Rashica i cili shënoi golin e fitores për Werder në minutën e 70-të.

Golin e parë të ndeshjes e shënoi sulmuesi Davie Selke në minutën e 16-të për 1:0, kurse rezultatin e dyfishoi Leonardo Bittencourt (30’), derisa pjesa e parë u mbyll me shifrat 2:0.

Borussia Dortmund u mundua të kthehet në ndeshje, duke shënuar nëpërmjet Erling Haland i cili shënoi në minutën e 67-të, për rezultatin 2:1.

Ndërkohë, Giovanni Reyna e ngushtoi sërish epërsinë e vendasve në minutën e 78-të, por më rezultati nuk ndryshoi dhe fitorja i takoi ekipit të Werderit.

Werder me këtë fitore kualifikohet në çerekfinale të Kupës së Gjermanisë.