Partitë, kundër zgjedhjes së qeverisë nga populli

Futja e vendit në një fushatë të vazhdueshme zgjedhore është një ndër vërejtjet që bëjnë partitë

Iniciativa e SVP-së (UDC) për zgjedhjen e Qeverisë Federale në mënyre të drejtpërdrejtë nga populli a hasur në kundërshtim nga të gjitha partitë tjera të përfaqësuara ne Parlamentin Nacional.

Kundër iniciativës janë deklaruar tashmë partitë si SP (Partia Cocialdemokrtae) FDP (Partia Liberale) dhe CVP (Partia Kristiane Popullore).

Vërejtjet e tyre në radhë të parë kanë të bëjnë me frikën se zgjedhjet direkte nuk do të sigurojnë përfaqësim të mjaftueshëm të Zvicrës romane (frankofone) dhe asaj italiane. Futja e vendit në një fushatë të vazhdueshme zgjedhore është një vërejtje tjetër që e bëjnë partitë.

FDP duke kundërshtuar iniciativën thotë se Zvicra ka probleme më akute se ai i zgjedhjes së drejtpërdrejtë të qeverisë. SP thotë se pranimi eventual i iniciativës nuk do të sjellë përparim, ndërsa CVP druan se nuk do të ketë ndarje të drejtë të vendeve në qeveri.