Parlamenti Evropian miraton rezolutën për emigrantët

Keystone

Parlamenti Evropian ka miratuar rezolutën për azilin dhe emigracionin. Përmes kësaj rezolute Parlamenti Evropian kërkon që të krijohet një mandat i qartë për operacionin “Triton”, si dhe zgjerimin e zonës së operimit dhe duke rritur mandatin e tij të kërkimit dhe shpëtimit operacional në nivel të BE-së.

Rezoluta në fjalë është votuar me shumicë prej 449 votash, 130 kundër dhe 93 abstenime.

Parlamenti bën thirrje për një operacion të fuqishëm dhe të përhershëm humanitar evropian të shpëtimit, i cili, si “Mare nostrum”, do të veprojë në det të lartë dhe për të cilat të gjitha shtetet anëtare do të kontribuojë financiarisht dhe me pajisje.

Ndërprerja e këtij operacionit, ishte një gabim i madh deklaroi Jean-Claude Juncker në mbledhjen e ministrave të Jashtëm të BE-së në Këshillin Evropian.

Duke e konsideruar emergjente zgjidhjen e kësaj krize të emigrantëve në Mesdhe, Juncker propozoi emigracionin e ligjshëm, bashkëpunimin dhe solidaritetin e vendeve të BE-së dhe hapjen e dyerve për emigrantët.

Parlamenti ka shprehur keqardhje që Këshilli Evropian nuk është zotuar për të ngritur një mekanizëm të solidaritetit të detyrueshme të BE-së për t’iu përgjigjur tragjedisë më të fundit në Mesdhe.

Rezoluta bën thirrje për koordinim më të ngushtë të politikave të BE-së dhe të shteteve anëtare në trajtimin e shkaqeve të migracionit dhe më shumë bashkëpunim me vendet partnere në Lindjen e Mesme dhe Afrikë.