Në cilin aeroport nuk është humbur asnjë valixhe?

Aeroporti Ndërkombëtar i Kansait në Japoni

Kompania britanike “Skytrax” ka shpërblyer aeroportet më të mira në botë me çmimin “World Airport Award”.

Gjithashtu në kategorinë e dorëzimit të bagazhit ishte ndarë një çmim i këtillë.

Bëhet fjalë për një aeropor, i cili që nga hapja në vitin  1994 asnjëherë nuk ka humbur bagazhin e pasagjerëve.
Çdo vit kompania britanike “Skytrax” ndan çmimin “World Airport Award” për aeroportet më të mira në botë. Ndër të tjera, çmimi do të jepet edhe në kategorinë e dorëzimit të bagazhit.

Sipas gazetës britanike “Telegraph”, këtë vit ka fituar Aeroporti Ndërkombëtar Kansai në Japoni. Dhe, me të drejtë, ngase nga 1994 nuk është raportuar deri më sot që u ka humbur bagazhi pasagjerëve.

Aeroporti Ndërkombëtar i Kansait nuk është i vetmi aeroport japonez që ka treguar rezultate të mira.

550 aeroporte nga 112 vende janë vlerësuar për çmimin në 20 kategori. Këtu kompania është mbështetur në anketën e realizuar me më shumë se 13 milionë njerëz, raporton “Telegraph”, transmeton albinfo.ch.

Në renditjen e përgjithshme, Aeroporti Ndërkombëtar Kansai renditet i dymbëdhjeti. Çmimi për aeroportin më të mirë në botë e mori Changi Airport në Singapor.

Aeroportet më të mirë në Evropë janë në Kopenhagë, Munih dhe Cyrih.