Ndeshje zinxhirore e mbi 20 makinave në Lucern: 23 të lënduar

Sipas policisë së Lucernit janë lënduar 23 persona, tetë prej të cilëve janë transportuar me helikopter në spitale

Një përplasje masive me më shumë se 20 automjete ka ndodhur në autostradën A2 në Lucern mëngjesin e së premtes.

Përplasja ndodhi rreth orës 8:40 të mëngjesit në drejtimin jugor midis Dagmersellen dhe Sursee në Knutwilerhöhe, transmeton albinfo.ch. Sipas policisë së Lucernit janë lënduar 23 persona, tetë prej të cilëve janë transportuar në spitale.

15 persona kanë mbetur të lënduar lehtë dhe kanë marrë tretman mjekësor në vendngjarje, shkruan srf.ch

Sipas një zëdhënësi të policisë, është ende i paqartë shkaku i përplasjes së automjeteve.

Policia e Lucernit njoftoi në Twitter se autostrada A2 në jug do të mbetet e mbyllur përkohësisht. Puna e shpëtimit është duke u zhvilluar dhe automjetet e aksidentit janë duke u larguar, tha policia në mesditë. Ajo u kërkon shoferëve që të lëvizin sa më larg zonës.

---