Ministrinë e Diasporës e vizitojnë arbëreshët e Kroacisë

Ministria e Diasporës dhe Investimeve Strategjike ka pritur një grup të arbëreshëve të Kroacisë, të cilët po qëndrojnë për vizitë në Kosovë.

Zëvendësministri i Diasporës, Afrim Bekteshi, pasi ka takuar nxënësit, studentët e mësimdhënësit arbëresh, deklaroi se këto vizita do të shërbejnë për të krijuar lidhje me Kosovën. 

Bekteshi e ka vlerësuar lart kontributin e të gjithëve që të ruhet kultura shqiptare. Tha se në vazhdën e vizitave të arbëreshëve në Kosovë, do të vijnë javën e ardhshme edhe arbëreshët nga Italia. 

Zv.ministri ka thënë se si institucion po punojnë në fuqizim të lidhjeve të shtetit të Kosovës me diasporën, përcjell albinfo.ch.

Përfaqësuesi i arbëreshëve të Kroacisë, Vesel Lekaj, deklaroi se me qëllim që të ruhet kultura shqiptare, si shkolla kanë organizuar mësim plotësues për nxënësit shqiptarç në Kroaci. Ky grup përfshihen drejtorë shkollash, nxënës e mësimdhënës të shumtë të shkollave arbëreshe që veprojnë në Kroaci.