Sulmuesi i Kosovës vlerësohet për paraqitjet me Hoffenheimin

Legjenda gjermane Matthaus e vlerëson Asllanin

Bayern Munich ka dominuar 17 ndeshjet e para të Bundesligës gjermane, gjë që është reflektuar edhe në përzgjedhjen e formacionit më të mirë të gjysmës së parë të sezonit nga eksperti i futbollit në “Sky” dhe legjenda gjermane, Lothar Matthäus, përcjell albinfo.ch.

Në 11-shen ideale të Matthäusit nuk është përfshirë sulmuesi i Kosovës, Fisnik Asllani. Megjithatë, 23-vjeçari ka zënë vend në formacionin e dytë më të mirë të kampionatit, falë paraqitjeve të qëndrueshme me Hoffenheimin.

Asllani ka shënuar gjashtë gola dhe ka regjistruar katër asistime në 16 paraqitje këtë sezon në Bundesligë. Në formacionin e dytë ideal për pjesën e parë të sezonit, ai është rreshtuar në repartin ofensiv, përkrah sulmuesit të Stuttgartit, Deniz Undav.

Paraqitjet e Asllanit konfirmojnë formën e tij në rritje dhe rolin gjithnjë e më të rëndësishëm në elitën e futbollit gjerman.

---