Michael Lauber, prokuror i ri federal i Zvicrës

Lauber është prokurori i parë federal që po zgjidhet nga parlamenti dhe jo nga qeveria

Asambleja e përbërë nga të dy dhomat e Parlamentit të Zvicrës ka zgjedhur në mbledhjen e mbajtur sot, prokurorin e ri federal. Në këtë post është zgjedhur Michael Lauber, me 203 nga gjithsej 206 votat e vlefshme.

Mandati i prokurorit të ri fillon në vitin 2012 dhe përfundon në vitin 2015.

Lauber është prokurori i parë federal që po zgjidhet nga parlamenti dhe jo nga qeveria.

Prokurori federal ende në detyrë Erwin Beyeler nuk kishte fituar besimin për tu rizgjedhur në këtë post. Për këtë arsye, komisioni parlamentar për çështje të gjyqësisë, në mesin e shtatë kandidaturave kishte propozuar për pasardhës të tij juristin Michael Lauber.

Lauber është i lindur në vitin 1965 dhe aktualisht është kryetar i Këshillit mbikëqyrës të tregut të financave të Lihtenshtajnit.