Kosova i kushton 3.3 miliardë euro Bundesverit gjerman

Ndërsa misioni në Afganistan, i filluar në vitin 2002 ka kushtuar deri më tash rreth 7.6 miliardë euro

Misionet e jashtme ushtarake i kanë kushtuar Gjermanisë mbi 17 miliardë euro në njëzet vitet e fundit. Vetëm misioni në Afganistan, i filluar në vitin 2002 ka kushtuar deri më tash rreth 7.6 miliardë, thuhet në një përgjigje që Qeveria Federale i ka dhënë të enjten një pyetjeje të bërë nga fraksioni i majtë në parlamentin gjerman.

Pas misionit në Afganistan, në vendin e dytë për nga kostoja është misioni gjerman në kuadër të Kfor-it, në Kosovë, i cili nga viti 1999 e deri më tash ka kushtuar rreth 3.3 miliardë euro, shkruajnë “Hanower Zeitung”, “Berliner Umschau” etj.

Aktualisht në  misione ushtarake jashtë vendit janë 6200 ushtarake gjermanë. Vetëm në Kosovë janë rreth 700 sish ndërsa në Afganistan 4300.

Shuma e përmendur përfshin koston e të mirave materiale dhe shtesat në pagesat për shërbimet jashtë vendit. Ndërkaq, aty nuk është përfshirë kostoja e personelit.

Por krahas shpenzimeve të karakterit ushtarak në këtë shumë përfshihen edhe ato të ndihmave humanitare që shkojnë përmes Bundesverit.