Konfiskohen 2.2 tonë mjeteve piroteknike  

Oficerët e Doganës së Kosovës gjatë ditës së djeshme kanë arritur të kapin një sasi të konsiderueshme të mjeteve piroteknike të futura kontrabandë

Oficerët e Doganës kosovare kanë konfiskuar 2.2 tokë mjete piroteknike kontrabandë që po bartej nga veriu i Kosovës për në Prishtinë. Shoferi që po ngiste automjetin, sapo kishte parë doganierët kishte devijuar rrugën, duke tentuar t’i ikë. Kështu njofton sot nëpërmjet një komunikate për media Zyra për Informim e Doganave.

“Gjatë patrullimit në magjistralen Mitrovicë – Prishtinë oficerët doganorë kanë vërejtur një kombi të bardhë me targa kosovare, oficerët kanë tentuar ta ndalin për kontroll por automjeti ka devijuar rrugën dhe është nisur në drejtimin të kundërt. Me të vërejtur ketë devijim të rrugës oficerët kanë reaguar duke ndjekur kombin e dyshuar ku edhe pas rreth 3 km është arritur të ndalet ndalur”, thuhet në njoftim.

Sipas tyre, pas kontrollimi dhe ndalimit të personave është konstatuar gjendja e mallrave, materiale piroteknike me origjine nga Kina dhe me peshë prej 2430.50 kg bruto dhe 2250.50 neto (pra 2.2 ton). Mallrat dhe automjeti transportues janë konfiskuar derisa lënda ka vazhduar për hetime.