Itali: Mehmetaj dhuron emocione me shfaqjen e tij

Me një performancë të bukur, që shpalosi një larmi emocionesh të thella, artisti, Aleksandros Mehmetaj, me “Albania Casa mia” arriti dhe shënoi zemrat dhe mendjet e publikut roman, në Teatro di Villa Lazzaroni, përcjell albinfo.ch.

Me një ekuilibër të përsosur emocional, narrativ dhe artistik, Aleksandros Mehmetaj realizoi, edhe në shfaqen e 100 të kësaj pjese, në një dialog të zëshëm dhe të heshtur mes aktorit dhe publikut, synimin për të dalë “nga kjo shfaqje më të mirë, më të pasur emocionalisht, më të mënçur nga përjetimet”, sepse kemi njohur më shumë dhe më mirë njërin-tjetrin.