Lajme
Gjenevë: S’ka vend që s’ka kamera!
Studimi zbuloi se 75 për qind e banorëve ndihen të sigurt në qytetin e tyre
Zviceranët e vlerësojnë privatësinë e tyre, por ndoshta jo aq shumë në Gjenevë: më shumë se 2749 kamera monitorojnë çdo lëvizje tuajën në rrugët e këtij qyteti.
“Gjeneva është një qytet ku nuk ka asnjë kënd të vetëm që nuk është nën mbikëqyrje, për të siguruar që të gjithë të respektojnë rregullat”, sipas raportit të fundit nga instituti multidisiplinar Edgelands, përcjell albinfo.ch.
Qëllimi i këtij hulumtimi është të studiojë ndikimin e mbikëqyrjes gjithnjë e më dixhitale në hapësirat e përbashkëta, tha Bernard Rappaz, ish-gazetar dhe një nga pikat kryesore të projektit.
Autoritetet kantonale konfirmojnë praninë e këtyre kamerave, që u përkasin rreth 40 institucioneve publike. Kjo do të thotë se popullsia lokale është e vëzhguar nga afër – më shumë se qytetet e tjera në Zvicër.
Për shembull, sistemi i mbikëqyrjes video i instaluar në distriktin Pâquis në vitin 2018 konsiderohet të jetë “sistemi i kamerës më i gjerë dhe teknikisht më i avancuar në Zvicër, i fokusuar në hapësirat publike të jashtme, me shikimin e imazheve në kohë reale”.
Sidoqoftë, duket se gjenevianët nuk e kanë problem këtë “ndërhyrje”.
Studimi zbuloi se 75 për qind e banorëve ndihen të sigurt në qytetin e tyre.
Kjo falë imazhit të mirë të policisë dhe kamerave të shumta të vëzhgimit në rrugë, sipas raportit të Edgelands.
Të ngjashme
Të tjera nga Lajme
E-Diaspora
-
Shqiptari shpallet studenti më i mirë i policisë së Nju-Jorkut për 2024-ën Laert Sallaku ishte gjimnazist kur u largua nga Tirana më 2017. Ai u vendos në Nju-Jork,...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Austri
-
Çfarë lejohet të bëjnë fëmijët vetëm sipas ligjit austriak? Vera po vjen, shkollat po mbyllen dhe shumë prindër do të pyesin veten se si do...
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen