Frontex nis patrullimet në Maqedoni

Oficerë të agjencisë së kufirit evropian, FRONTEX, kanë filluar misionin e patrullimit kufitar mes Maqedonisë dhe Greqisë, njoftuan mediat në Shkup, përcjell albinfo.ch.

“Të paktën 30 oficerë janë dislokuar për të mos lejuar emigrantët të kalojnë kufirin dhe për të vijuar më pas drejt veriut përgjatë rrugëve tashmë të mbyllura ballkanike për fluksin e emigrantëve”, përcjell albinfo.ch.

Vitin e kaluar kufiri greko-maqedonas tërhoqi vëmendjen e opinionit ndërkombëtar, pasi mijëra emigrantë u grumbulluan në kampe të improvizuara refugjatësh në fshatin Idomeni, në anën greke të kufirit.

Autoritetet greke e mbyllën kampin në muajin maj të vitit të kaluar.

Rreth 65 mijë refugjatë presin ende në Greqi me shpresën për të vijuar udhëtimin për në Evropë.