Festivali i Gjenevës tërhoqi 1.8 milionë njerëz për 25 ditë

Festivali i Gjenevës tërhoqi 1.8 milionë njerëz për 25 ditë. Pjesëmarrja ka qenë pak më e ulët në krahasim me vitet e mëparshme, kryesisht për shkak të Ramazanit. Këtë verë turistët e Lindjes së Mesme nuk erdhën për shkaqe fetare.

Gjithashtu barazia e frangut me euron është po ashtu një faktor që bëri që fitimi të ishte më i vogël për të gjithë argëtuesit e bregut të liqenit. Një rënie e fitimin mund të rezultojë për përgjegjësit e karuseleve të ndryshme.

Edhe pse asnjë incident i rëndë nuk është raportuar,  zyrtarët e Festivalit të Gjenevës kanë thënë për mediet zvicerane se kanë shënuar një rritje të nivelit të joqytetarisë (vrazhdësisë). Ata tregojnë për dëmtime të pikave shëndetësore të disa staneve të shkatërruara, si dhe të disa gjeneratorëve.

Mirëpo, prapë se prapë kjo ngjarje mund të kualifikohet e suksesshme, meqë spektakli me fishekzjarrë i të shtunës ka tërhequr afër një gjysmë milioni spektatorë.