Lajme

Eurovizion tashmë me rregulla të reja

”Eurovision Song Contest” ka ndryshuar rregullat e vlerësimit për këngët, artistët dhe shtetet pjesëmarrëse në këtë edicion të tij . Pas konfirmimit se vitin e shkuar 6 juri të 6 shteteve kanë bërë pazare me votat bordi drejtues i festivalit europian ka vendosur ta pezullojë vendimmarrjen e jurisë dhe fituesi të zgjidhet vetëm nga televotimi i publikut.

European Broadcasting Union bëri me dije se shtetet që kanë marrë pjesë në pazare votash të jurisë në edicionin e shkuar janë Azerbajxhani, Gjeorgjia, Mali i Zi, Polonia, Rumania dhe San Marino. Pas zbulimit të këtyre manipulimeve rezultatet e votimit të jurisë nga këto vende u zbritën nga rezultati final dhe u barazuan me rezultate të vendeve të tjera me të dhëna të ngjashme votimi.

Në edicionin e shkuar të Eurovision Song Contest triumfoi Kalush Orkestra nga Ukraina, e megjithatë për shkak të situatës në Ukrainë edicioni i 67 i festivalit më të madh europian të këngës do të mbahet në Liverpool m datat 9, 11 dhe 13 maj 2023./Euronews


LAJME INTERESANTE NGA INTERNETI