Tematike
Tre skenarët e studiuesit zviceran rreth numrit të viktimave nga koronavirusi
Epidemiologu Richard Neher e konsideron si më të mundshëm një skenar të mesëm, sipas të cilit nga epidemia do të kishte 22.000 vdekje
Në Zvicër tashmë po zhvillohet me të masdhe një debat politik për një rikthim të mundshëm të shoqërisë në normalitet. Kjo po ndodh përkundër faktit se ende nuk është e qartë se çfarë e pret vendin në ditët dhe javët e ardhshme: Sa do të zgjerohet pandemia, sa të vdekur do të ketë etj, shkruan srf.ch.
Në ndërkohë, shkencëtarët seriozë janë të matur dhe kanë kujdes kur bëhet fjalë për të shpallur parashikime. Por ajo që mund të bëhet, është llogaritja e skenarëve të mundshëm, bazuar në të dhënat empirike të deritashme, transmeton albinfo.ch. Një nga shkencëtarët kryesorë që aktualisht po rafinojnë modelet e tyre në këtë drejtim është Richard Neher nga instituti Biozentrum në Universitetin e Bazelit.
Biofizikanti Neher, i cili merret kryesisht me studimin e përhapjes së viruseve, ka zhvilluar tre skenarë të mundshëm, bazuar në numrat e rasteve të fundit, se si mund të vazhdojë më tutje kriza me koronavirusin në Zvicër.
Sipas skenarit optimist, ne këto ditë kemi arritur tashmë kulmin ndërsa në javët dhe muajt në vijim do të priteshin deri në 1000 vdekje.
Në skenarin pesimist, kulmi do të arrihej në fund të muajit prill, me rreth 750,000 njerëz të sëmurë në të njëjtën kohë dhe deri në 100,000 që do të vdisnin më pas, në total, përcjell albinfo.ch. Në këtë skenar, numri i të vdekurve në fund të prillit do të ishte rreth 16.800 njerëz. Sipas Neher, gjithçka varet shumë nga ashpërsia e infeksioneve
Por epidemiologu Richard Neher aktualisht e konsideron si më të mundshëm një skenar të mesëm. Sipas këtij skenari, epidemia në kulmin e saj, rreth fundit të majit, do të prekte mbi 64,000 njerëz dhe për pasojë do të kishte mbi 22,000 vdekje.
Te ky skenar, studimi i ekipit të Neher supozon që masat e marra të kenë ngadalësuar transmetimin e virusit me 60 për qind. Sidoqoftë, numri i infeksioneve do të vazhdojë të rritet, kulmi i numrit të të sëmurëve akutë do të arrihet në mesin e majit, kur numri i tyre do të ishte 64,000. Deri në atë kohë, do të ishin raportuar mbi 6500 vdekje.
Skenari më optimist bazohet në supozimin se masat zyrtare që do të ashpërsoheshin në vazhdimësi, dhe të gjithë do t`u përmbaheshin atyre.
Edhe në skenarin optimist, është e qartë se rreziku në asnjë mënyrë nuk mund të shmanget plotësisht. Ai mund të kthehej sërsish brenda një kohe të shkurtër, thekson Neher, transmeton albinfo.ch. Prandaj është gjithashtu e rëndësishme të respektoheni në mënyrë rigoroze masat zyrtare.
Faktori kryesor i pasigurisë për të gjithë skenarët është, sipas Neherit, numri që mbetet i pazbuluar i personave të infektuar, d.m.th. ata që mbartin virusin – dhe gjithashtu e përhapin atë për një kohë të caktuar – por nuk tregojnë ose kanë vetëm simptoma të buta dhe nuk testohen sipas praktikës aktuale.
Neher aktualisht e konsideron si më të mundshëm skenarin e mesëm, bazuar në llogaritjen e zhvillimit të deritashëm të sëmundjes në Zvicër.
Të ngjashme
Të tjera nga Tematike
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja