Shqiperia
Shqipëri: Rriten udhëtimet nga ajri, bie transporti detar
INSTAT ka publikuar statistikat e transportit të tremujorit të parë, ku konstatohet një rritje e ndjeshme e udhëtimeve nga ajri, e ndikuar nga çmimet e lira dhe shtimi i flukseve turistike.
Të dhënat tregojnë se gjithnjë e më shumë pasagjerë po zgjedhin ajrit, teksa udhëtimet përmes detit kanë shënuar tendencë rënëse, ndonëse të lehtë.
Rriten me 64% pasagjerët nga ajri
Hyrja e operatorëve me kosto të ulët dhe lulëzimi i turizmit ka ndikuar në rritjen e ndjeshme të atyre që udhëtojnë përmes ajrit. Sipas INSTAT, numri i pasagjerë që kanë udhëtuar me linja ajrore në tremujorin e parë 2024, është 1.909.757 nga 1.166.000 pasagjerë që kanë udhëtuar në të njëjtën periudhë të vitit të kaluar, duke u rritur me 63,8 %
Në transportin ajror operojnë 19 shoqëri ajrore, nga këto 17 janë shoqëri të huaja dhe 2 janë shoqëri shqiptare. Gjatë tremujorit të parë 2024, në hapësirën ajrore shqiptare kanë fluturuar 55.067 avionë, nga të cilët 75,8 % të tyre e zë numri i mbikalimeve.
Volumi i mallrave (duke përfshirë postën) të hyrë dhe të dalë nëpërmjet transportit ajror rezultoi 499,5 ton, nga të cilat 77,0 % janë mallra të hyrë dhe 23,0 % janë mallra të dalë. Krahasuar me tremujorin e parë 2023, volumi i mallrave paraqitet me rritje 11,1 %
Në transportin ajror, mallrat e transportuara me postë zënë 11,4 % të volumit gjithsej të mallrave të transportuar me ajër. Krahasuar me tremujorin e parë 2023, volumi i mallrave të transportuara me postë paraqitet me ulje 19,9 %.
Volumi i mallrave të tregtuara (eksport dhe import) me ajër në tremujorin e pare 2024 është 386 ton. Krahasuar me të njëjtën periudhë të vitit 2023, ky tregues është ulur me 9,1 %. Volumi i mallrave të importuara me ajër në tremujorin e parë 2024 zë 0,02 % ndaj volumit gjithsej të mallrave të importuara.
Ngec transporti i pasagjerëve nga deti
Ulja e çmimeve të bileta ajrore po i bën më pak të preferuara udhëtimet e pasagjerëve përmes detit. Sipas INSTAT, numri i pasagjerëve që kanë udhëtuar nëpërmjet porteve detare në vend është 135.680 persona. Në të njëjtën përudhë të një viti më parë, përmes detit udhëtuan 138.242 persona. Rënia është gati 2%.
Portet detare ku kryhet transporti pasagjerëve në vend janë: Porti i Durrësit, Vlorës, Sarandës dhe porti i Shëngjinit. Lëvizja e pasagjerëve në tremujorin e parë 2024 është kryer nga porti i Durrësit, Vlorës dhe porti i Sarandës.
Porti i Durrësit është porti kryesor në vend nga i cili kanë udhëtuar 80,9 % e pasagjerëve, ndjekur nga porti i Vlorës me 11,6 % dhe më pas porti i Sarandës me 7,5 %.
Në tremujorin e parë 2024, volumi i mallrave të tregtuara me det (eksport dhe import) është 1.316,8 mijë ton.
Krahasuar me të njëjtën periudhë të vitit 2023, ky tregues është rritur me 1,9 %.
Volumi i mallrave të eksportuara me det në tremujorin e parë 2024 zë 40,0 % ndaj totalit të volumit gjithsej të mallrave të eksportuara.
Volumi i mallrave të importuara me det në tremujorin e parë 2024 zë 64,5 % ndaj totalit të volumit gjithsej të mallrave të importuara/ monitor
Të tjera nga Shqiperia
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?