Lajme
Edhe Finlanda ndalon hyrjen e automjeteve me targa ruse
Edhe Finlanda u bashkohet shteteve që ndalojnë hyrjen e automjeteve me targa ruse brenda territorit të saj.
Estonia, Letonia dhe Lituania, si dhe Polonia janë shtetet që kanë njoftuar për kufizimin që zbatohet për makinat private, i cili do të jetë në fuqi nga mesnata.
Estonia tha se vendimi i saj për të zbatuar ndalimin ishte “interpretim shtesë” i sanksioneve të reja të Bashkimit Evropian të vendosura ndaj Moskës më 8 shtator, raporton skynews, përcjell albinfo.ch.
Sipas direktivës së re të BE-së, automjetet e regjistruara në Rusi nuk lejohen më të hyjnë në territorin e bllokut prej 27 anëtarësh.
Transmetuesi finlandez, YLE raportoi se veturat e regjistruara në Rusi me më pak se 10 pasagjerë nuk do të lejohen më të hyjnë në Finlandë nga Rusia, megjithëse do të ketë edhe përjashtime.
Rusia ka sanksione të shumta që pas pushtimit të Ukrainës vitin e kaluar, përcjell albinfo.ch.
