Kosova

Edhe dy qytete do të kyçen në autostradën “Arbën Xhaferi”

E premte, 28 Qershor 2019 - 14:40 albinfo.ch
Keystone EPA/VALDRIN XHEMAJ

Në autostradën “Arbën Xhaferi” e cila lidh Kosovën me Maqedoninë e Veriut pritet të kyçen edhe disa rrugë dytësore. 

Këtë e ka bërë të ditur për Telegrafin, ministri i Infrastrukturës dhe Transportit, Pal Lekaj. 

“Në autostradën ‘Arbën Xhaferi’ do të kyçet edhe Vitia përmes Gërlicës dhe Ferizaj me një kyçje të re. Krahas këtyre, do të ketë edhe një mbikalim në Paldenicë, për këto është marrë vendim në Qeveri”, deklaroi ministri Lekaj për Telegrafin. 

Ministri Lekaj theksoi se Ministria e Infrastrukturës dhe Transportit është duke ndjekur procedurat drejt implementimit të këtij vendimi, përcjell albinfo.ch. 

Autostrada “Arbën Xhaferi” është lëshuar për qarkullim në muajin e kaluar. 

 Të ngjashme

Pse Zvicra do të ulë kufirin e shpejtësisë në autostrada dhe a do të funksionojë

 Të tjera nga Kosova

Presidentja e Kosovës do t’i inkurajojë partitë për bashkëpunim për të shmangur bllokadat

 E-Diaspora

 Jeta në Austri