Dy të vdekur dhe 104 raste me COVID, brenda 24 orëve në Kosovë

Ministria e Infrastrukturës/FB

Brenda ditës së fundit në Kosovë kanë vdekur dy të infektuar nga COVID-19, ndërsa janë shënuar 104 raste të reja, raporton Gazeta Express.

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 889 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 104 raste pozitive. Brenda 24 orëve janë raportuar dy raste të vdekjes me SARS CoV-2 pozitiv (2 raste nga Mjekimi Intensiv Qendror, QKUK).

Numri total i rasteve pozitive është 16.606 nga 78.161 persona të dyshimtë në virusin SARS-CoV-2 dhe 652 raste të vdekjes.

Gjatë 24 orëve të fundit janë shëruar 42 pacientë, derisa numri i përgjithshëm i të shëruarve deri më sot është gjithsej 14.561 raste, kurse numri i rasteve aktive është 1.393.