Lajme
BE-ja rekomandon maskat gjatë udhëtimeve me avion
Në një dokument të publikuar dje, këto dy agjenci të BE-së kanë bërë të ditur mbajtjen e maskave për udhëtimet me avion
Është bërë e ditur se Agjencia Evropiane e Sigurisë Ajrore (EASA) dhe Qendra Evropiane për Parandalimin dhe Kontrollin e Sëmundjeve (ECDC) rekomandojnë masa të distancimit fizik në masë të mundshme dhe mbajtjen e një maske mjekësore për udhëtimet në avion, përcjell abinfo.ch.
Thuhet se në një dokument të publikuar dje, këto dy agjenci të BE-së kanë bërë të ditur një sërë udhëzimesh për të garantuar sigurinë shëndetësore të pasagjerëve ajrorë dhe të personelit të sektorit të aviacionit, në momentin e rifillimit të programeve të fluturimit, shkruan agjencia telegrafike.
“Protokolli i publikuar dje mund të garantojë pasagjerët për sigurinë e udhëtimit të tyre në avion si dhe për të ndihmuar industrinë të rikuperohet nga efektet e kësaj pandemie”, theksoi komisionerja evropiane e ngarkuar me Transportin, Adina Valean.
“Garantimi i një sigurie shëndetësore është një faktor vendimtar për rifillimin e fluturimeve tregtare”, nënvizoi drejtori ekzekutiv i EASA, Patrick Ky.
“Tashmë u përket kompanive ajrore dhe aeroporteve të përshtatin rekomandimet në pajisjet e tyre dhe operacionet”, shtoi ai.
Po ashtu, agjencitë rekomandojnë mbajtjen e maskave mjekësore nga të gjithë pasagjerët dhe personeli ajror, që prej hyrjes së tyre në aeroportin e nisjes deri në mbërritjen e tyre në destinacion, me përjashtim të fëmijëve poshtë moshës gjashtë vjeç.
Këto maska duhet të ndërrohen çdo katër orë dhe pasagjerët duhet të sigurohen të kenë një sasi të mjaftueshme, por gjithashtu dhe kompanitë janë nxitur të kenë një stok për të plotësuar nevojat. /Albinfo.ch
E-Diaspora
-
“FjalaFest”, festivali i letërsisë shqipe në Milano “FjalaFest” titullohet festivali i letërsisë shqipe që do të zhvillohet për herë të parë në Milano,...
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta