Shkurt.ch

Babai tenton të vrasë të bijën

Babai, me prejardhje italiane, është arrestuar në vendin e krimit ndërsa e bija ndodhet në gjendje kritike

E hënë, 29 Korrik 2013 - 14:09 albinfo.ch

Të hënën në mëngjes në Lachen të kantonit Schwyz një baba 53 vjeç ka tentuar të vrasë të bijën e tij 22 vjeçare. Me këtë rast ai i ka shkaktuar asaj plagë të rënda, njofton policia e Kantonit Schwyz.

Ajo është bartur në spital nga shërbimi emergjent Rega në një klinikë speciale dhe gjendja e saj vazhdon të jetë kritike.

Babai, me prejardhje italiane, është arrestuar në vendin e krimit dhe po mbahet në burgun për hetime thotë një zëdhënës i policisë. Por ai nuk ka ofruar të dhëna tjera si për armën e përdorur ose për hollësitë e plagosjes së 22 vjeçares.