Alban Meha e ka bërë të lumtur fansin duke ia dhuruar fanellën

Futbollisti shqiptar Alban Meha, i njohur me gjuajtjet e tij të forta nga distanca,  edhe pse jo me tepër  se një sezon anëtarë i FC Torku – Konyaspor të Super Ligës së Turqisë, ka bërë për vete adhurues të shumtë, raporton albinfo.ch.

Mehaj me shënimet e tij nga gjuajtjet e lira ka pushtuar veçmas  zemrën e vogëlushit  Osman Ensar.

Ky vogëlush i shoqëruar nga prindërit  e  tij e ndonjëherë edhe nga të afërmit  çdo fundjave  zë  vend në  ulëset e stadiumit “Torku Arena”të qytetit Konya.

Simpatinë e tij ndaj Alban Mehës,  vogëlushi inteligjent e mjaft simpatik nga Konya e Turqisë,  e ka shprehur hapur  të premten që shkoi në takimin  e javës së njëzetedytë ndërmjet FC Torku Konyaspor dhe Medicana  Sivasspor 2 :1.

Ai me të përfunduar kjo ndeshje e vlefshme e kampionatit  futbollistik të Turqisë, me një tufë lulesh në duar dhe me një pankartë të formuluar me tekst në gjuhën shqipe , është nisur drejt Alban Mehës,  të cilit në mënyrë shumë të njerëzishme i ka kërkuar fanellën me autograf.

Meha pahezituar  fare i ka dhuruar vogëlushit  fanellën me emrin e tij,kurse  nga ai ka pranuar tufë lulesh.

Meha, ish- futbollist i kombëtares shqiptare, dhe prapë një nga kandidatët e mundshëm për Kampionatin Evropian “Franca 2016” më në fund identifikoi  mikun dhe adhuruesin e tij  të vërtetë.

Arif Ejupi