Aksident zinxhiror mes 15 veturave në Prishtinë

Policia ka bërë të ditur se ka ndodhur një aksident zinxhiror në mëngjesin e sotëm në rrugën Prishtinë-Mitrovicë, ku 15 persona kanë mbetur të lënduar.

Zëdhënësja e Policisë së Kosovës për Rajonin e Prishtinës, Flora Ahmeti, konfirmoi për Telegrafin së në aksident kanë qenë të përfshira 15 vetura.

“Më 28.12.2020, rreth orës 07:30 në rrugën Prishtinë – Mitrovicë, saktësisht në fshatin Shkabaj, kanë ndodhur pesë aksidente komunikacioni rrugor, prej tyre tre me lëndime. Të përfshira gjithsej janë 15 automjete. Bazuar në të dhënat fillestare, ndihmë mjekësore deri tani kanë kërkuar 15 persona”, bëri të ditur Ahmeti.