Fun
Aeroplani kthehet prapa, pasi nëna e harroi fëmijën në aeroport
Është e rrallë që aeroplanët të kthehen ose të devijojnë për ndonjë gjë tjetër përveçse për arsye teknike ose të shëndetit të pasagjerëve
Një ngjarje e pazakontë dhe një gjest i jashtëzakonshëm ka ndodhur në linjën e fluturimit Arabia Saudite-Malajzi.
Piloti i avionit, teksa ishte ngritur në fluturim drejt Kuala Lumpurit, bëri kërkesë të pazakontë për t’u kthyer në aeroport në Jeddah pak pas ngritjes, kur pasagjeri i tha ekuipazhit të kabinës që ajo kishte harruar fëmijën e saj, shkruan “The Guardian”, transmeton Lexo.al.
Në videon e pilotit që bën thirrje në kontrollin e trafikut ajror zbulohet shkëmbimi i pazakontë midis tij dhe operatorëve të trafikut ajror, pasi ai kërkon leje për t’u kthyer në aeroportin e Mbretit Abdulaziz, përcjell albinfo.ch.
“Perëndia qoftë me ne. A mund të kthehemi? Skenari, me sa duket i pari për kontrolluesit e trafikut ajror, e lë operatorin të hutuar dhe mund të dëgjohet duke u dhënë të tjerëve se si duhet të veprojë.
“Ky fluturim kërkon të kthehet”, i thotë një kolegu tjetër. “Një udhëtare ka harruar fëmijën e saj në zonën e pritjes”.
Ndërsa piloti dëgjohet duke i përsëritur operatorit të trafikut ajror: “Unë ju thashë, një pasagjer e ka lënë fëmijën e saj në terminal dhe ajo po refuzon të vazhdojë fluturimin”.
Pas disa minutash, trafiku ajror i dha leje pilotit për t’u kthyer në qendër. “OK, kthehu”, thanë kontrollorët e trafikut ajror. “Kjo është krejtësisht e re për ne”, shtuan ata.
Është e rrallë që aeroplanët të kthehen ose të devijojnë për ndonjë gjë tjetër, përveçse për arsye teknike ose të shëndetit të pasagjerëve.
Në vitin 2013, një fluturim amerikan nga Los Anxhelos për në Nju-Jork u drejtua në Kansas City për shkak të një “pasagjeri shumë të padisiplinuar”, i cili refuzoi të ndalonte të këndonte Whitney Houston, “Unë do të dua gjithmonë”.
Të ngjashme
Të tjera nga Fun
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?