Në Merdarë, 4 orë pritje në kolona  

Policia e Kosovës njofton se kolonat e gjata sërish janë shfaqur gjatë ikjes së mërgimtarëve në vendet e tyre të punës. Në Merdarë kolonat e gjatë 1 kilometër

E njëjta situatë për ndodhë edhe gjatë kthimit të bashkatdhetarëve në vendet e tyre të punës. Kolona të gjata gjatë ardhjes e po ashtu kolona të njëjta gjatë ikje. Vetëm gjatë ditës së sotme Policia e Kosovës raporton se kolonat në disa pikë-kalime me Serbinë  shkojnë deri në 4 orë.

“Policia e Kosovës po vazhdon të punoj me numër të shtuar të personelit policor në pika kufitare me qëllim të aplikimit të punës së kontrollit kufitar të përshpejtuar, për t’i shmangur pritjet e gjata dhe t’u mundësojë qytetarëve, bashkatdhetarëve tanë kalim më të shpejtë të kontrollit kufitar”, thuhet në njoftim.

Informacionet e orës 10:00 tregojnë se në Merdare (Podujevë) në hyrje për në RKS nuk ka pritje vetëm kohëzgjatja e procedurës normale, ndërsa në dalje kolona është e gjatë rreth 1 kilometër dhe pritjet zgjasin rreth 3 deri 4 orë, varësisht prej frekuentimit të automjeteve.

Ndërsa në pikë-kalimin kufitar tek Dheu i Bardhë (Gjilan), deri në këtë kohë si në hyrje ashtu edhe në dalje nuk ka kolona fare përveç kohëzgjatjes së procedurës normale 10-20 minuta.

Kurse në pikë-kalimin kufitar Mutivodë (drejtimi i fshatit Keçekollë) në hyrje nuk ka pritje të gjata ndërsa në dalje nga RKS-ja pritjet janë afërsisht 20-30 minuta.

Pikë-kalimi kufitar Muqibabë –(Gjilan) si në hyrje po ashtu edhe në dalje nuk ka pritje fare, raporton Policia.

“Policia e Kosovës me qëllim të shmangies së pritjeve të gjata, njofton të gjithë qytetaret se, ata që mund të shfrytëzojnë pikë-kalime tjera kufitare ku nuk ka pritje fare, apo ka më pak pritje, ti shfrytëzojnë ato pasi nuk ka kolona dhe pritje të gjata”, thuhet në njoftimin për media.

Vlen të potencohet se nga ana e zyrtarëve policor të Policisë së Kosovës, puna është duke u zhvilluar normalisht me kapacitete dhe intensitet të shtuar, mirëpo kolona-pritjet, sipas Policisë  kosovare, janë duke u shkaktuar si rezultat i fluksit të madh të automjeteve, kryesisht në dalje të RKS-se, si dhe procedurave që aplikohen gjatë plotësimit të dokumenteve-formularëve për kalim kufitar.