Dy shqiptarë vrasin brutalisht bashkëkombësin e tyre në Itali

Ismail Luli, 17-vjeçar, është gjetur i prerë në fyt të martën në malin Sant’ Angelo në provincën Pesaro, afër San Marino të Italisë.

Karabinierët italianë të mërkurën kanë arrestuar dy bashkëkombës të tij, shqiptarë: Igli Meta, 20 vjeç dhe Marjo Mema, 18 vjeç. Motivi, sipas policisë, ka qenë xhelozia, raporton stol.it, përcjell albinfo.ch.

Hetuesit italianë janë të mendimit se Igli Meta (20-vjeçar), ishte i bindur se adoleshenti Ismail Luli ishte duke dalë më ish të dashurën e tij. Kështu Igli Meta së bashku me ndihmën e shokut, Marjo Mema (19-vjeçar), kishin planifikuar se si t’i hakmerren djaloshit të ri, Lulit.

Në fakt, të dy të arrestuarit kanë deklaruar se qëllimi i tyre ishte vetëm ta frikësonin, që ai të mos dilte tjetër me ish të dashurën e Iglit, e cila ishte nga Maqedonia, njofton albinfo.ch.
Pas aktit makabër, të dy të dyshuarit kanë marrë trupin e viktimës dhe e kanë hedhur në një luginë, ndërsa më pas janë larë në një lumë për të hequr njollat e gjakut.

Sipas hetuesve, duket se vrasja ishte planifikuar me kujdes, pasi ata ishin përgatitur për të ikur për Shqipëri.

Albinfo.ch