“Vala” shpërndan 50 mijë kartela, dhuratë për bashkatdhetarët

Sot, bashkatdhetarët që kanë aterruar në Aeroportin Ndërkombetar të Prishtinës,i ka oritur njüe befasi e këndshme. Aty, drejtori Menaxhues i Vala-s, Agron Mustafa dhe tre anëtarët e grupit humoristik “Stupcat”, kanë shpërndarë sot kartelat “dhuratë për ty”, pjesë e 50 mijë kartelave që Vala ka bërë dhuratë për ta.

Dhurimi i kartelave në këtë mënyrë të pazakonshme, që zgjoi një interesim të madh, erdhi pasi Drejtori Menaxhues i Vala-s, Agron Mustafa, vendosi t’i bashkëngjitej fushatës së Ministrisë së Diasporës së Qeverisë së Kosovës, me moton “Ti je pjesë e Atdheut”. Fushata parasheh që krahas regjistrimit, bashkatdhetarëve t’iu shpërndahen 50 mijë numra falas, thuhet në një njoftim të Vala-s.

“Vala është edhe e bashkatdhetarëve, sepse ata kanë një pjesë të rëndësishme në Kosovë, vendin ku kanë lindur apo kanë origjinën. Prandaj të presësh bashkatdhetarët dhe t’iu dhurosh numra pa pagesë, është një emocion ndryshe për mua, sepse dëshmon, përveç tjerash, se ne nuk i kemi harruar kontributin e tyre”, tha drejtori menaxhues i Vala-s, Agron Mustafa.

Sipas tij, dhurimi i këtyre numrave në Aeroport, është vetëm një pjesë e numrit prej 50 mijë sish që Vala ka dhuruar, ndërsa nëse ka kërkesa shtesë nga bashkatdhetarët, do të prodhohen numra të tjerë të rinj.

“Bashkatdhetarët mos të hezitojnë për të marrë numra. Janë dhuratë për ta nga shteti i Kosovës dhe Vala. Ju takojnë atyre. Kanë afat 13 mujor dhe kur të kthehen vitin tjetër, sërish do t’i kenë të njëjtit numra. Por jo vetëm në Aeroport, në çdo pikë kufitare apo pika të shitjes në gjithë territorin e Kosovës, ka numra për ta…për të gjithë”, deklaroi Mustafa.

Aktori i mirënjohur i “Stupcave” Vedat Bajrami, i cili është bërë pjesë e fushatës së Vala-s, “Të gjithë po kthehen” dhe njëherësh imazh i Vala-s, pohoi se takimi me bashkatdhtarët në Aeroport,  është ndryshe nga ajo që i takon çdo herë, duke bërë performansa artistike së bashku me grupin, në vendet ku ata jetojnë e punojnë.

Vala do të ofrojë 50 mijë numra falas për bashkatdhetarët, numra të cilët do të përmbajnë  500 megabajt internet të shpejtë 3G e 4G, 30 minuta në rrjetin Vala dhe në numrat fiks dhe 100 SMS. Pakoja quhet Diaspora.