Bota

Aeroplanët më së shumti vonohen në Kinë

E hënë, 23 Mars 2015 - 10:01 albinfo.ch

Linjat ajrore kineze dhe aeroportet janë më të këqijat në botë në aspektin e respektimit të orarit, thuhet në raportin e kompanisë amerikane të specializuar në të dhënat e mbledhura gjatë 2014-ës.

Të dy aeroportet në metropolin kinez Shanghai janë në fund të listës të 61 aeroporteve më të mëdha në botë, ndërsa 37 për qind e avionëve mezi fluturojnë në kohë, sipas kompanisë “FlightStats”. Sipas tyre, shtatë nga aeroportet më të mëdha dhe më të këqij të botës janë në Kinë.

Në anën tjetër, aeroporti japonez “Haneda” është në krye të listës, me 89,8 për qind të fluturimeve të realizuara me kohë. Kompania më e mirë e aviacionit është „KLM Royal Dutch Airlines”, me 88,7 për qind të fluturimeve të realizuara me kohë.