Ndeshje e rëndë trenash, së paku 5 të lënduar

Një aksident i rëndë hekurudhor ka ndodhur sot në orët e hershme të mëngjesit në Rafz të Cyrihut, me ç`rast anë ndeshur dy trena në mes vete. Për pasojë, kanë pësuar lëndime së paku pesë udhëtarë. Merret vesh se lëndime të rënda ka pësuar lokomotivisti i njërit nga trenat. Pesë vagonë të trenit të shpejtë bashkë me lokomotivën që shkonte në  drejtim të Jenstetten kanë rrëshqitur nga binarët.

Një zëdhënës i SBB/SFF ka konfirmuar për mediet se aksidenti ka ndodhur dhe se ka pasur të paktën pesë të lënduar. Për shpëtimin e të lënduarve, përveç autoambulancave është dashur edhe ndërhyrja e shërbimit të shpëtimit me helikopterë, Rega, ka deklaruar një zëdhënëse e policisë.

Ende nuk jepen të dhëna lidhur me përmasat e aksidentit, për shkak të të cilit është ndërprerë linja Bülach-Schaffhauesen.

Dy trena qëndrojnë mbi urën në afërsi të stacionit hekurudhor në Rafz dhe nuk dihet nëse ajo urë ka kapacitet për të përballuar këtë peshë.

Shkaku i aksidentit aktualisht është i paqartë, thotë zëdhënësi i SBB-së.