Nestle fiton 14.5 miliardë franga, shefi i saj, 9.3 milionë

Ky fitim rekord është realizuar përkundër faktit se qarkullimi i këtij gjiganti botëror ka shënuar një rënie prej 0.7%

Koncerni më i madh në botë i industrisë ushqimore Nestle që e ka selinë në Zvicër, ka shënuar vitin e kaluar një fitim prej 14.5 miliardë frangash, që është për 4.4 miliardë më shumë se një vit më parë. Ky fitim rekord është realizuar përkundër faktit se qarkullimi i këtij gjiganti botëror ka shënuar një rënie prej 0.7%, gjegjësisht nga 92.2 miliardë sa ishte në vitin 2013, ai ka rënë në 91.6 miliardë franga në vitin 2014.

Nestle gjatë vitit 2014 është rritur nga fuqia e vet, dmth. pa akuizicione për 4.5%, thuhet në komunikatën e koncernit të publikuar të enjten.

Nestle parashikon që edhe në vitin 2015 të ketë një zhvillim të ngjashëm me atë të vitit 2014, gjegjësisht snon një rritje organike prej 5 për qind.

Paga që shefi i koncernit Nestle, Paul Bulcke ka marrë gjatë vitit 2014 ka qenë rreth 9.3 milionë franga, afërsisht sikur edhe një vit më parë, bën të ditur srf.ch. Por, rroga bazë e tij ka qenë “vetëm” 2.5 milionë. Phesen tjetër ai e ka marrë në emër të bonuseve dhe shtesave tjera.