Ndryshimet që pritet të bëjë Sylvinho në ndeshjen e fundit të Shqipërisë

Foto FB: Federata Shqiptare e Futbollit

Shqipëria mbyll sonte në “Air Albania” përballë Ishujve Faroe rrugëtimin në grupin E të eliminatoreve të Euro 2024, pas sigurimit të biletës për gara.

Një pikë mjafton sonte për ta mbyllur në krye të grupit, por lojtarët do të zbresin në fushë për fitore. Trajneri brazilian pritet të bëjë 6 ndryshime në formacion krahasuar me titullarët e transfertës ndaj Moldavisë, shkruan albinfo.ch.

Thomas Strakosha do të zërë vendin e Etrit Berishës në portë. Ivan Balliu pritet ta nisë nga minuta e parë në krahun e djathtë të mbrojtjes, në vend të Elseid Hysajt. Ndërkohë që do të ketë ndryshime edhe në repartin e mesfushës, me Keidi Baren dhe Ernest Muçin si titullarë në vend të Kristjan Asllanit dhe Nedim Bajramit.

Ndërkaq në ofensivë, aty ku Mirlind Daku (qendër) dhe Myrto Uzuni (majtas) do ta nisin ndeshjen nga minuta e parë, përcjell albinfo.ch.