Zonat e ndotura në Zvicër – a jetoni pranë një të tille?

@pixabay

Sipas Zyrës Federale të Zvicrës për Mjedisin (FOEN), ka 38,000 zona të ndotura që mbulojnë 220 kilometra katrorë të përhapura në gjithë vendin, raportoi RTS. 220 kilometra katrorë është e barabartë me gati 80% të kantonit të Gjenevës, përcjell tutje albinfo.ch.

Harta interaktive e mëposhtme kombinon të dhëna nga ushtria, transporti publik, aeroportet civile dhe kantonet për të paraqitur zonat e ndotura në të gjithë vendin.

Kodimi i ngjyrave varion nga asnjë dëmtim i pritshëm (e verdhë) deri te ndotja dhe nevoja për pastrim (e kuqe). Blu do të thotë që kërkohet një hetim, portokallia e lehtë do të thotë se nuk kërkohet pastrim, portokallia e errët do të thotë se vendi duhet të monitorohet dhe një ngjyrë përfundimtare (gri) është për vendet e pavlerësuara.

Autoritetet besojnë se 80% e këtyre vendeve nuk kërkojnë masa korrigjuese. 7,500 vendet e mbetura (20%) kërkojnë më shumë hetim, monitorim ose pastrim, diçka që pritet të përfundojë deri në vitin 2040. Megjithatë, FOEN ka thënë se mendon se puna mund të zgjasë më shumë për shkak të burimeve të kufizuara.

2000 nga këto 38000 vende janë ndotur nga ushtria, në disa raste ndotja është mbetje e krijuar nga poligonet e qitjes.