Lajme
Certifikimi sipas standardeve të BE-së, i bënë eksportet konkurruese në treg
Drejtoria e Bujqësisë në Bashkinë e Maliqit, të qarkut Korçë, po mbështet fermerët e zonës, jo vetëm në drejtim të rritjes së prodhimit bujqësor, por edhe certifikimit të këtij prodhimi me markën e cilësisë, duke i bërë produktet tradicionale të Maliqit konkurruese në tregun vendas dhe atë të huaj.
Fasulja pllaqi, patatja, molla dhe vera janë produkte që e avantazhojnë qarkun e Korçës për të konkurruar denjësisht në eksportet bujqësore në tregjet e huaja.
Drejtori i Bujqësisë në Maliq, Arben Dulellari, i tha ATSH-së se “në kuadër të programit të BE-së, Bashkia Maliq po bashkëpunon për më shumë se një vit me projektin italian për certifikimin e disa prodhimeve tradicionale të zonës, sipas standardeve europiane”, përcjell albinfo.ch.
“Me përfaqësues të projektit italian “Sviluppo Umbria” jemi duke përfunduar procesin e certifikimit të produkteve në dy kantinat e prodhimit të verës në Maliq, “Kinolli” dhe “Ceci” që ushtrojnë aktivitetin e tyre në fshatin Drithas, njësia administrative Libonik dhe në fshatin Gurishtë, njësia administrative Pirg”, thotë Dulellari.
Sipas tij, sipërmarrësit e këtyre dy kantinave, pas një pune të gjatë nën këshillimin e ekspertëve italianë, kanë arritur të prodhojnë verë cilësore sipas standardeve që kërkon tregu i huaj.
Sipërmarrësit e verës, kanë arritur të shtojnë sipërfaqet me vreshta në sajë të mbështetjes nga Skema Kombëtare dhe kanë bashkëpunuar me projektin italian në drejtim të implementimit të teknologjive të reja të përpunimit të rrushit, për prodhimin e verës cilësore me qëllim eksportin e saj fillimisht në Itali e më gjerë.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?