Kryetari i Preshevës viziton Kongresin Amerikan në Washington DC

Vizita u realizua pas ftesë së kongresisitit Eliot Engel

Kryetari i Komunës së Preshevës, Shqiprim Arifi, ka thënë se është ftuar nga kongresmeni amerikan, Eliot Engel, që ta vizitojë Kongresin Amerikan në Washington DC, transmeton Klan Kosova.

Arifi deklaroi se Engelin do ta njoftojë me situatën aktuale politike në Luginën e Preshevës si dhe do t’i potencojë qëndrimet tona lidhur me zgjidhjen e çështjes së shqiptarëve të kësaj ane për të drejtat individuale dhe kolektive.

“Z. Engel do t`ia dërgoj falënderimet e të gjithë shqiptarëve të Luginës së Preshevës për mbështetjen e kamotshme të shtetit amerikan si dhe stabilitetin afatgjatë në vendin tonë”.

“Gjithashtu kënaqësi e veçantë t`i takoj bashkatdhetarët tanë që jetojnë dhe veprojnë në Shtetet e Bashkuara të Amerikës (New York, Philadelphia dhe Washington), për t`i falënderuar personalisht për kontributin dhe angazhimin e tyre të vazhdueshëm në të gjitha proceset, të cilat ka kaluar Lugina e Preshevës”, ka shkruar Arifi, përcjell Albinfo.ch.

---