Rritet interesimi i turistëve sllovenë për ta vizituar Shqipërinë

Foto ilustrim

Shqipëria së fundmi ka zgjuar interesim edhe për turistët sllovenë, përcjell albinfo.ch.

Siç njofton Ambasada Shqiptare në Slloveni, interesimi i turistëve sllovenë për të vizituar e kaluar pushimet verore në Shqipëri është rritur.

“Gjatë periudhës së fundit katërmujore, ambasada ka intensifikuar veprimtaritë promovuese të turizmit shqiptar. Ndërkohë, ka pasur rritje të interesimit të qytetarëve sllovenë, studentëve, njerëzve të thjeshtë, zyrtarëve, si dhe atyre të apasionuar për turizmin e aventurës për të vizituar e kaluar pushimet verore në Shqipëri”, thuhet në njoftim.

Për këtë arsye, ambasada u ka ofruar kontakte me agjenci e operatorë turizmi në Shqipëri, si dhe ka vënë në dispozicion materiale e informacion për turizmin e kulinarinë shqiptare, asetet kulturore e historike të vendit, përcjell albinfo.ch.