Vrasje në shitoren e lodrave

Pasi ka plagosur të shoqen, i ka kthyer revolen vetes dhe pas pak ka vdekur në spital

Rreth kohës së drekës ka ndodhur një vrasje në garazhin e shitores së lodrave “Tys`r`us” në Dietlikon të Cyrihut. Pas një konflikti në mes të një çifti, bashkëshorti 28 vjeçar ka qëlluar me armë zjarri gruan e tij 24 vjeçe, duke e plagosur rëndë atë.

Pas kësaj ai ia ka kthyer armën vetes, dhe si pasojë e plagëve të rënda, ka ndërruar jetë pak më vonë në spital. Gruaja është transportuar me helikopter të ndihmës së shpejtë për në spital dhe gjendja e saj raportohet të jetë e rëndë.

Burimet nga vendi i tragjedisë thonë se i vrari ka prejardhje të huaj por ende nuk është sqaruar përkatësia e tij etnike.

Policia nuk ka mundur të japë të dhëna më të përafërta lidhur me motivin e vrasjes ndonëse supozohet se bëhet fjalë për motiv të çrregullimeve në raportet bashkëshortore.

Policia e Kantonit të Cyrihut dhe prokuroria kanë nisur hetimet lidhur me rastin.