BE: Më shumë të drejta për udhëtarët

Me një propozim të Komisionit Evropian, pasagjerët në të ardhmen duhet të kenë më shumë të drejta gjatë udhëtimit për pushime

Shtetasit e BE-së do të kompensohen nëse anulojnë biletën e udhëtimit para nisjes.

Të hollat po ashtu mund t’u kthehen në rast të fatkeqësive natyrore ose trazirave në vendin e destinacionit. 

Me rregullat e reja do të përfitojnë udhëtarët nëse udhëtimi i tyre është rezervuar në internet nga ofertues të ndryshëm. Përafërsisht çdo i katërti qytetar i BE-së rezervon udhëtimin nëpërmjet internetit.

Propozimi  i Komisioni Evropian do të bëhet ligj nëse Parlamenti Evropian dhe shtetet anëtare bien dakord. Rregullat e reja mund të aplikohen brenda dy vjetëve të ardhshëm, tha komisari Viviane Reding.